"Umid edirem ki, menfi dövr artıq tamamilə başa çatıb" – Paolini ABŞ Açıq çempionatında Joviçə qalib gəldikdən sonra belə bildirib

Casmine Paolini ABŞ Açıq çempionatının üçüncü turuna vəsiqə qazanıb. Dünyanın 8 nömrəli tennisçisi Destanee Aiavaya qalib gəldikdən sonra İva Joviçi də məğlub etdi (6-3, 6-3). 1/8 final mərhələsində qran-slam turnirlərinin hər ikisində finala çıxmış tennisçi Marketa Vondrouşova ilə qarşılaşacaq.

Bu vaxt, italyalı tennisçi 17 yaşlı gənc amerikalı idmançıya qalib gəldikdən sonra mətbuat konfransında çıxış etdi. 29 yaşlı Paolini indiyə qədər zəif keçən mövsümdən sonra ən çətin məqamların artıq ötdüyünə ümid edir.

"Əsas məqsəd yaxşı tennis səviyyəsini qorumaqdadır, amma deyərdim ki, finallar məqsəd deyil. Bilirem ki, bu çox çətin olacaq, amma fürsət yaratmaq üçün hər şeyi etməyə çalışacağam.

İndi düşünürəm ki, sabitliyi, sakitliyi və tarazlığı tapmışam. Şəxsi inkişaf mərhələsi keçirdim, əvvəl heç vaxt qarşılaşmadığım bir çox dəyişikliklər oldu və bu mənə özümü daha yaxşı tanımağa imkan verdi.

Monrealda keçirilən həftə ən mürəkkəb idi. Məni sevən insanlarla, komandamla birgə oldum və ailəmin dəstəyinə arxalana bildim. Çox çalışdıq və Sinsinnatidən etibarən işlər yaxşılaşmağa başladı.

Mövsümün bu hissəsi, həm mənən, həm də fiziki cəhətdən çətin oldu, amma tədricən düzgün tarazlığı tapdım və ümid edirem ki, mənfi dövr artıq tamamilə başa çatıb" – Paolini Tennis World Italia üçün belə bildirib.