Sinner 2025-i qiymətləndirir: "Mən bu mövsümü fövqəladə hesab edirəm"

Yannik Sinner Avstraliyalı Aleks De Minaura qalib gələrək Vyana turnirinin finalına vəsiqə qazandıqdan sonra öz mövsümünü qiymətləndirdi.

Dünyanın 2 nömrəli tennisçisi Sinner, Vyana ATP 500 turniri çərçivəsində mövsümdə səkkizinci finalına çıxmaq hüququ qazandı. İtalyan əsas dövrdə keçirilən bütün görüşlərdə olduğu kimi bu dəfə də De Minaura qalib gəldi.

Mətbuat konfransında Sinner, fevral-may ayları arasında üç aylıq diskvalifikasiya səbəbilə bir neçə mühüm turniri buraxmasına baxmayaraq, Avstraliya Açıq, Vimbldon və Pekin də daxil olmaqla üç titul qazandığı 2025-ci ilini qiymətləndirdi. Bazar günü Aleksandr Zverevlə oynayacağı finalda dördüncü titulu da əldə edə bilər.

"Bu mövsüm xüsusi oldu. Üç aylıq fasilə verdim və heç bir mühüm turnirdə iştirak edə bilmədim. Nəticədə, nisbətən az turnirdə oynadım, amma yenə də çox sayda matç keçirdim ki, bu da mənim üçün lazım olan şey idi.

Nə olursa olsun, mən bu mövsümü fövqəladə hesab edirəm, öz çıxışımdan çox məmnunam. İndi mənim üçün əsas olan mövsümün sonunu yaxşı idarə etmək, sonra da gələn il onu mümkün olan ən yaxşı şəkildə davam etdirməkdir.

Darren (Kəhil) mənə çox şey öyrətdi və mən ona minnədaram. Görərik birlikdə nə edəcəyik, o mənim üçün sadəcə məşqçi deyildi, daha çox idi. Lakin o, artıq 60 yaşındadır və bu vəzifəni uzun müddətdir tutur, buna görə də görərik nə edə bilərik.

Simone (Vanyozzi) və mən hələ ikinci məşqçinin kim ola biləcəyi barədə müzakirə etməmişik, amma bu, şübhəsiz ki, zəruridir, çünki Simonenin boş vaxtının olması vacibdir. Bu barədə danışacağıq və sonra sakitcə qərar qəbul edəcəyik", - deyə o Punto de Break-ə bildirdi.