Rublev Madriddakı uğursuzluqdan sonra məyus: "Həqiqətən nə deyəcəyimi bilmirəm"
Madrid titulunun sahibi Andrey Rublev, üçüncü turda Alexander Bublik tərəfindən məğlub edildi. Keçən ilki qələbəsinin demək olar ki, bütün xallarını itirən rus tennisçu, turnirin sonunda Top 15-dən kənarlaşacaq. Bu, son beş il ərzində ilk dəfə baş verir.
Mətbuat konfransında o, bu zəif performansa səbəb axtarmağa çalışdı. Fevralda Dohada qazandığı tituldan bəri 6 məğlubiyyətə qarşı 3 qələbə qazan Rublev belə dedi:
"Həqiqətən nə deyəcəyimi bilmirəm. Optimist olmağa və təkmilləşdirməli olduğum şeylərə diqqət yetirməyə çalışıram. Dohada da eyni şey baş vermişdi. Mövsümə yaxşı başlamamışdım. Amma yenidən konsentrasiya oldum və titulu qazandım.
Bugünkü vəziyyət də buna bənzəyir. Yaxşı nəticələr əldə etmirəm, amma prosesə diqqət yetirməyə çalışıram və ümid edirəm ki, bir vaxtlar bu işləyəcək.
Bu zəif performans nəticələr və ya reytinqlə bağlı deyil. Daha çox intizam, məşqlər və mənim münasibətimlə bağlıdır. Diqqət yetirməli olduğum şeylər bunlardır.
Hər şey yerinə düşdükdə, yaxşı tennis oynayacağam. Hər şeyin uğurlu getdiyi bir həftə olacaq. İndi komandamla danışıb təşkilatlanacağıq. Roma üçün hazırlıqlara başlayacağıq."
Madrid 
