"Reytinq mövsüm ərzində gördüyüm işin əsl əksidir" – Sinner
2024-cü ilin iyun ayından etibarən dünya birincisi olan Jannik Sinner, ATP reytinqində ardıcıl 54-cü həftəsini birinci pillədə başlayır. İtalyalı tennisçi Novak Djokoviçi geridə qoyaraq, ATP reytinqinin yaradılmasından bəri indi ən uzun hakimiyyətə malik olan 4-cü tennisçi oldu – Rocer Federer (ardıcıl 237 həftə), Cimmi Konnors (160 həftə) və Leyton Hyuit (75 həftə) ondan öndədir.
Hal-hazırda Halle turnirində iştirak edən Sinner bilir ki, bu seriya ən azı Vimbldon turnirinə qədər davam edəcək. Keçən il bu turnirin 1/4 finalına çıxan tennisçi rəsmi ATP saytı üçün mövcud vəziyyət haqqında fikirlərini bölüşdü.
"Bu qrupun bir hissəsi olmaq böyük şərəfdir, amma bu mənim özüm olmağıma mane olmur. Mən öz hekayəmi yazmağa davam etmək istəyirəm və mənim üçün vacib olan yeganə şey hər gün daha yaxşı tennisçi olmaqdır.
Reytinqin mövsüm ərzində gördüyüm işin əsl əksi olduğunu düşünürəm. Çox yaxşı nəticələr əldə etdim, ardıcıl idim və ümid edirəm ki, belə davam edəcəm.
Bu mövqedə olacağımı və bu qədər uzun müddət birinci olacağımı heç vaxt düşünməzdim.
Özümü bu vəziyyətdə görmək inanılmazdır, hər şey bu qədər qısa müddətdə çox dəyişdi. İndi öz potensialımı bilirəm və yaxşı oynadıqda böyük uğurlar qazana biləcəyimi də bilirəm.
Bu birinci yerdən çox həzz alıram, amma daha əvvəl də dediyim kimi, mənim üçün əsas olan irəlilədiyimi hiss etməkdir" – Sinner bu cümə ilə bu cümə axşam Alexander Bublik ilə qarşılaşmadan əvvəl fikirlərini bölüşdü.
Halle 
French Open 
