Azarenka yeni nəsil barədə narahatdır: "Onlar üçün mənim kimi uzun karyera qurmaq daha çətin olacaq"
Roma turnirində debüt oyununda Kamila Osorionu məğlub edən Viktoriya Azarenka növbəti mərhələdə Magdalena Freç ilə qarşılaşacaq.
35 yaşlı keçmiş dünya birincisi, tennisin inkişafı və dəyişikliklərə ehtiyac olduğu barədə fikirlərini bölüşdü:
"Mən özüm üçün deyil, gənc oyunçular üçün narahatam. Onlar üçün mənim kimi 20 ildən çox peşəkar dövrü keçirmək və uzun karyera qurmaq daha çətin olacaq. Bu baxımdan, illər keçdikcə topların və səthlərin necə dəyişdiyi barədə müzakirə olunmalıdır.
Mən sadəcə idmanımızın inkişafını görmək istəyirəm. Tennisin uğurlu olmasını həqiqətən arzulayıram. Bu idman mənə çox şey verdi və qadınlar üçün dominant idman olaraq böyüməyə davam etməsini istəyirəm. Bir çox digər idman növləri meydana çıxır və rəqabət edir. Biz də bu irəliləyişi davam etdirməliyik."
Rome 
