İdeal olaraq, Böyük Çelem turnirinin birinci raundunda məğlub olarkən özünüz haqqında çox şey danışmırsınız" – Beckerin Zverevin psixi sağlamlığı ilə bağlı açıqlamalarına reaksiyası
Wimbledonda Aleksandr Zverev birinci raundda Artur Rinderkneşə iki gün davam edən görüşdə məğlub olaraq turniri tərk etmişdi.
Mətbuat konfransında alman tennisçi psixi cəhətdən çətin dövr keçirdiyini etiraf edərək, xüsusilə tənhalıq hissi yaşadığını ifadə etmişdi. Bir neçə həftə sonra keçmiş çempion Boris Bekker Tennis365-in xəbərinə istinadən bu mövzuya qayıtdı:
"Aleksandr Zverev mənim üçün idman baxımından bir növ övladlığa götürülmüş oğlum kimidir. Mən ona çox həssasam. Əgər onun məşqçisi olsaydım, mətbuat konfransında psixi vəziyyəti ilə bağlı belə məlumatları açıqlamağı tövsiyə etməzdim. İdeal olaraq, Böyük Çlem turnirinin birinci raundunda məğlub olarkən özünüz haqqında çox şey danışmırsınız.
Amma o, bəlkə də bunu açıqlamağa ehtiyac duyub. Mən əminəm ki, o bir Böyük Çlem qazanacaq və bir vaxt dünya birincisi olacaq. Birinci olmaq çətindir, amma birinci qalmaq dünyada ən çətin şeydir.
Wimbledon 
