Sinner və Alcarazın səviyyəsi Big 3-dən yüksəkdir", Mouratoglou iki nəslin fərqindən danışır
Naomi Osakanın məşqçisi Patrik Mouratoglou öz İnstaqram hesabında dünya tennisinin yeni ulduzları – Sinner və Alcaraz haqqında fikirlərini bölüşüb. 55 yaşlı məşqçi onları Big 3 üzvləri ilə müqayisə edib və qeyd edib ki, eyni yaşda Big 3 üzvləri daha zəif idilər:
"Federer oynayanda ondan daha yaxşı oynamaq mümkün deyildi, amma indi Alcaraz bunu edir. Zaman keçdikcə tennis daha peşəkarlaşır. Sinner və Alcarazın səviyyəsi Big 3-dən yüksəkdir. Çox deyil, amma yüksəkdir. Yannik səviyyə baxımından Novak 2.0-dır.
Eyni şəkildə, Karlosun Roger 2.0 olduğunu deyərdim – zəriflik baxımından yox, effektivlik baxımından. Alcarazın fiziki hazırlığı Federerdən yüksəkdir və Sinner Dkokoviç kimi oynayır, amma daha aqressivdir. Bəs onun səviyyəsi daha yüksəkdir? Hə, deyirəm.
