Rublev: «Özünə inam yavaş-yavaş geri gəlir, qorxu isə qalır»
Andrey Rublev 2025-ci il mövsümünə Hong Kong və Avstraliya Açıq Çempionatında ilk raundda məğlubiyyətlərlə inandırıcı başlamadı.
Bununla belə, kortda daha sakit və davranışını yaxşılaşdırmaq üçün öz üzərində ciddi işləyir.
Rotterdamda mətbuat konfransında, psixi sağlamlığı haqqında danışıb və gənc nəsilə bir tövsiyə verib: «Öz-özümə deyirəm ki, inam addım-addım, yavaş-yavaş geri qayıtmalıdır.
Hər gün biraz da qorxu hiss edirəm. Öz-özümə deyirəm ki, bu gün bunu bacardım, amma bəlkə sabah mənim şeytanlarım geri gələcək.
Bu, bir şeyə aludə olan bir insan kimidir: hər gün o, kiçik bir qorxu hiss edir.
Bu gün müvəffəq oldum, amma sabah uğur qazanacağımı kim bilir.
Gənc nəsillərə hansı məsləhəti verə biləcəyimi bilmirəm. Deyə biləcəyim ən asan şey, hər zaman özünüzə qarşı dürüst olmağınızdır.
Dünyada insanların 99%-i, dürüst olduqlarını düşünsələr belə, əslində özlərinə qarşı 100% dürüst deyillər.
Özünü qəbul etmək vacibdir. Əgər bir probleminiz varsa, ilk etmək lazım olan iş, öz kompleksiviz və eqonuzu kənara qoymaqdır.
Bədəninizi, səsinizi dinləyin: hər şey içəridədir. Bu, yalnız özünüzə aiddir.»
Rublev bu Cümə günü Rotterdamda gecə sessiyasında Hubert Hurkacza qarşı dörddə bir finalını oynayacaq.
Rotterdam 
