Nadal: «Mənə ən çox adrenalin, matçdan əvvəlki həyəcan və kortda olmaq hissi çatışmır»
Rafael Nadal təqaüdünün keyfini çıxarır. Karyerasında 22 Qran Slam çempionluğu qazanmış, bunlardan 14-nü Roland-Qarrosda əldə etmiş ispan əfsanəsi, keçən noyabrda Malaqada keçirilən Devis Kubokunun Final 8 turnirindən sonra karyerasını bitirmək qərarına gəldi.
İspaniya ilə birlikdə Niderlanda qarşı 1/4 final mərhələsində məğlub olduqdan sonra, son illərdi zədələrlə əlaqədar çətinliklər yaşayan Nadal, 20 ildən çox davam edən peşəkar karyerasını bitirməyi seçdi.
Son saatlarda yeni açdığı Tiktok hesabında Nadal bəzi suallara cavab verdi və son dəfə Botic van de Zandşulp qarşı (6-4, 6-4 hesablı məğlubiyyət) oynadığı və uduzduğu matçdan bəri ən çox nəyin üçün darıxdığı soruşuldu.
«Düzünü desəm, peşəkar tennisçi olmasaydım, hansı işi seçərdim, heç bir fikrim yoxdur. Xoşbəxtlikdən və ya təəssüf ki, çox gənc yaşlarımda başladım və tennis oynamadan başqa bir həyat təsəvvür edə bilmirdim.
15 yaşımdan bəri peşəkar idman dünyasında idim və o vaxt tennisdə uğur qazana bilməsəydim, nə etmək istədiyimə qərar verməmişdim. Mənə ən çox adrenalin, matçdan əvvəlki həyəcan və kortda olmaq hissi çatışmır.
Bu, idman dünyası xaricində tapılması çox çətin olan bir şeydir. Tennisə yeni başlayan bütün gənclərə deyərdim ki, hər gün özlərini inkişaf etdirmək üçün çalışsınlar, bu ən vacib şeydir.
Uğur qazanan insanlar davamlı olaraq özlərini inkişaf etdirə bilənlərdir», — deyə Nadal son saatlarda Punto De Break media orqanına açıqlamasında bildirib.
