Madrid turnirinin direktoru Lopez: "Turnirin böyüməsi Nadalla bağlıdır. Bu gün artıq xüsusi bir oyunçudan asılı deyilik"
23 apreldən 4 maya qədər keçiriləcək Madrid Masters 1000 turniri gələn günlərdə tennis dünyasının əsas mövzusu olacaq. Turnirin direktoru Feliciano Lopez bu turnirin böyüməsindən danışdı.
"Bu turnir 20 ildən çoxdur ki, mövcuddur və məncə biz bunu bir, iki və ya üç oyunçudan, hətta ən populyar və ən çox maraq doğuranlardan belə asılı olmayacaq şəkildə idarə etməyi bacardıq.
Bu turnir Nadalın karyerası ilə paralel şəkildə inkişaf etdi, onlar əl-ələ inkişaf etdilər. Bu gün məncə artıq xüsusi bir oyunçudan o qədər də asılı deyilik.
Əlbəttə ki, turnirin böyüməsi Rafael Nadalın şəxsiyyəti ilə ayrılmaz şəkildə bağlı olmuşdur. Biz həm də Karlos Alkarazı ideal vaxtda əlimizdə tutmaq şansına sahib olduq.
Rafa gedir və Karlitos peyda olur – tamamilə fərqli üslub və şəxsiyyətə malik, lakin eyni zamanda böyük maraq doğuran bir oyunçu."
Xatırladaq ki, Nadal Madrid turnirini beş dəfə qazanıb, onlardan biri 2005-ci ildə sərt kortda keçirilən turnirdə olub.
