"Bu mənə dərs olacaq", deyir Musetti Alkarasa qarşı Romada məğlubiyyətdən sonra
Lorenzo Musetti Roma Masters 1000 turnirinin yarımfinalında dayandı. Yaxşı oyununa baxmayaraq, dünyanın 9-cu raketi olan italyan Karlos Alkaraz (6-3, 7-6) qarşısında iki setdə məğlub oldu və Monakoda keçirilən görüşün intiqamını ala bilmədi.
Monte-Karlo turnirinin finalçısı ikinci setdə breyk üstünlüyü olmasına baxmayaraq, bu üstünlüyünü qoruyub saxlaya bilmədi və həlledici oyunda təslim oldu. Məğlubiyyətdən sonra mətbuat konfransında məyusluğunu da gizlətmədi.
"İkinci setdə breyk üstünlüyüm olanda belə, tabloya baxmaq əvəzinə mən çox çox mənfi şeylərə diqqət yetirirdim. Külək, kortun səthi, səhvlərim haqqında çox düşünürdüm...
Gərginlik məni ələ aldı, özümü hərəkətsiz və qarışıq hiss edirdim. Karlos (Alkaraz) vacib anlarda daha möhkəm və daha sakit idi. Mən məyusam, amma düşünürəm ki, bu mənə dərs olacaq", - deyə Musetti "La Gazzetta Dello Sport"a müsahibəsində bildirib.
