Alcaraz və Sinner arasındakı rəqabət bizi inkişaf etdirəcək" — Draper
Queen's turnirindən əvvəl mətbuat konfransında iştirak edən Cek Draper, Karlos Alcaraz və Yannik Sinner arasındakı rəqabət haqqında fikirlərini bildirdi.
Britaniyalı tennisçi bu rəqabəti tennis üçün, həmçinin digər oyunçular üçün müsbət qiymətləndirir: "Bizim idman növümüz, xüsusən də ümumi səviyyə və istedadların zənginliyi baxımından çox yaxşı bir dövr keçirir.
Deyə bilərəm ki, hazırkı Top 100 tarixdə ən yaxşısıdır. Bütün oyunçlar son dərəcə yüksək səviyyədə oynayır. Doğrudur, beş və ya on il əvvəl Top 20 bəlkə də bu gündən daha güclü idi, amma məncə Alcaraz və Sinner arasındakı rəqabət bizi daha da irəli aparacaq.
Parisdə oynadıqları görüş sayəsində yaratdıqları diqqət tennis üçün çox müsbət olacaq və onların heyranedici səviyyəsi bizi sınaqdan keçirəcək.
