Alcaraz: "Çoxları deyir ki, daha yaxşı oynamalıyam və ya daha çox turnir qazanmalıyam. Bunu ədalətsiz hesab edirəm"
İndiyə qədər Karlos Alkarazın 2025-ci il mövsümü Rotterdamda qazandığı titula baxmayaraq, nisbətən ümid qırıcı olub.
2024-cü ildə zədə səbəbiylə Monte-Karlo turnirində iştirak edə bilməyən ispan tennisçi turnirin rəsmi saytına açıqlamalar verib.
"Mən həqiqətən oyun tərzimdən məmnunam. İlin əvvəlindən bəri əla tennis oynayıram.
Tennis sadəcə topa vurmaqdan ibarət deyil. Bu, ondan daha çoxudur. Bu, mentalitet və fiziki hazırlıq məsələsidir.
Əgər qazanmasam, yaxşı oynayıb-oynamadığımın əhəmiyyəti yoxdur. İnsanlar rəqib haqqında düşünmür, sadəcə mənim haqqımda düşünürlər.
Çoxları deyir ki, daha yaxşı oynamalıyam və ya daha çox turnir qazanmalıyam. Bunu ədalətsiz hesab edirəm.
Hesab edirəm ki, hər turnirin püşkatması çox açıqdır və bir çox oyunçu yaxşı oynayır və orada olmağa layiqdirlər.
Torpaq üzərində və bütün səthlərdə uğur qazanan çoxlu tennisçi var. Hesab edirəm ki, torpaq mövsümü maraqlı olacaq.
Torpaq üzərində böyük uğurlar qazana biləcək çoxlu oyunçu görürəm. Bu, yalnız bir dəfə iştirak etdiyim bir turnirdir. Buraya gəlib yaxşı oynamaq istəyirəm.
Burada məşq etmək və ilk matçıma hazırlaşmaq üçün həqiqətən çox həyəcanlıyam."
Alkaraz birinci turda avtomatik olaraq növbəti mərhələyə adlayır və Fransisko Serundolo ilə Fabio Foqnini arasındakı görüşün qalibi ilə qarşılaşacaq.
Monte-Carlo