"Təəssüf ki, bu il səni məğlub edən tək mən idim", Pegula-nın Alkaraza göndərdiyi zarafatlı mesaj
WTA reytinqində 7-ci yerdə olan Cessika Pegula, Karlos Alkarazın ABŞ Açıq çempionatında qələbəsini zarafatlı bir mesajla təbrik etdi.
O, İnstaqram hesabında belə yazdı: "Təbriklər, Karlos! Təəssüf ki, bu il ABŞ Açıq çempionatında səni məğlub edən tək mən idim."
Amerikalı tennisçi, turnirin "Azarkeş Həftəsi" çərçivəsində keçirilən qarışıq cütlərdəki birinci tur oyununa istinad edirdi. Britaniyalı Cek Dreper ilə cütlük təşkil edən Pegula, turnirin ulduz cütlüyü olan Alkaraz və Emma Radukanunu 4-2, 4-2 hesabları ilə məğlub etmişdi.
Daha sonra isə ABŞ-Britaniya cütlüyü yarımfinalda Kasper Ruud və İqa Şvyontək cütlüyünə 3-5, 5-3, 10-8 hesabı ilə məğlub olaraq turnirdə mübarizəni dayandırmışdı.
31 yaşlı tennisçi həm də fərdi yarışlarda mübarizə aparırdı. Lakin, baxmayaraq ki, o, çox möhkəm oyun nümayiş etdirdi, Fluşinq Medousda finaldan əvvəl, Belaruslu Arina Sabalenkaya 4-6, 6-3, 6-4 hesabı ilə məğlub olaraq turnirlə vidalaşdı. Qeyd edək ki, keçən ilin finalında da onu məhz Sabalenka məğlub etmişdi.
