Topu vurmaq mümkün deyildi, çünki diz səviyyəsindən aşağı sıçrayırdı" - Ljubičiç Vimbldonun oyun şəraitindəki dəyişikliklərdən danışır

Güclü servisi və bir əlli backhandi ilə tanınan İvan Ljubičiç, heç vaxt ot örtüyü və Vimbldonu tam şəkildə mənimsəyə bilmədi. Ən yaxşı nəticəsi üç dəfə üçüncü tur (2006, 2007 və 2011) oldu.

Keçmiş dünya 3-cüsü Ubitennis-ə ot üzərində yaşadığı çətinlikləri və indiki Vimbldon kortlarının fərqlərindən bəhs etdi:

"Bu çox xüsusi bir səthdir. Ya tez bir zamanda öz oyununu tapırsan, ya da çətinlik çəkirsən. Bütün karyeram boyu bu mənim üçün çətin oldu. Hərəkət etmək, qaytarmaq və servis atmada problem yaşayırdım. Yaxşı vuran oyunçu idim, amma servisim yaxşı deyildi. Hərəkət etmək çətindir.

Amma indiki ot kortları kontratak oyununa uyğunlaşdırılıb: topa güclü vurub şəbəkəyə yaxınlaşanlar turnirdə uzaq gedə bilmir. Toplar daha yüksək və daha müntəzəm sıçrayır. Xatırlayıram ki, mənim dövrümdə turnirin ilk günlərində topa vurmaq demək olar ki, mümkünsüz idi. Top diz səviyyəsindən aşağı sıçrayırdı. İndi isə sərt kortlardakı kimi sıçrayır.