Rıbakina finalda: Qazaxıstanlı tennisçü Paolinini məğlub edib WTA Finalına addımlayır

Ninqbo WTA 500 turnirinin ilk yarımfinalında top 10-da yer alan iki tennisçü - Elena Rıbakina və Jasmine Paolini qarşılaşdı.

Şənbə günü Ninqbodakı ilk yarımfinalla WTA Finalına vəsiqə uğrunda mübarizə daha da qızışdı. Jasmine Paolini Reyadda keçiriləcək final turnirinə ardıcıl ikinci dəfə vəsiqə qazanmaq üçün yalnız bir qələbə uzaqda idi, lakin bunun üçün Elena Rıbakinanı məğlub etməli idi.

İki tennisçü bir-birini yaxşı tanıyır və indiyə qədər beş dəfə qarşılaşıblar (birbaşa görüşlərdə hesab Paolini üçün 3-2), həmçinin italyan tennisçü sərt meydança üzərində keçirilmiş iki görüşün hər ikisində qalib gəlib.

Bu turnirdə qazaxıstanlı tennisçü güc toplayır. Dayana Yastremskaya qarşı çətin başlanğıcdan sonra dünyanın 9 nömrəli rəqibi 1/4 finalda Ayla Tomlyanoviçi asanlıqla məğlub etdi (6-2, 6-0).

Birinci set qeyri-müəyyən idi və nəticələnməsi uzun çəkdi. Hər iki tennisçü öz servis oyunlarında rahat idilər, ləm 45 dəqiqəlik oyundan sonra partiyanın ilk breyki Rıbakinanın bir neçə dəqiqə sonra birinci seti qazanmasına imkan verdi.

İkinci setdə 1-2 hesabla geridə olan Rıbakina sürətləndi və son beş oyunu qazandı. Bu görüşdə 10 eys vuran, 2022-ci il Vimbldon çempionu görüşü iki setdə (6-3, 6-2, 1 saat 28 dəqiqə) başa vurdu və bu səth üzərində ilk dəfə olaraq bu günkü rəqibinə qalib gəldi.

O, həmçinin WTA Finalına vəsiqə uğrunda yarışda əla nəticə göstərir və karyerasının 10-cu titulunu qazanmaq üçün Yekaterina Aleksandrova və ya Diana Şnayder ilə qarşılaşacaq.

"Biliyirdim ki, görüş çətin olacaq. Jasmine (Paolini) bütün mövsüm ərzində çox yaxşı oynayıb. O, həqiqətən də çətin rəqibdir. Biliyirdim ki, ən yaxşı tennisimi oynamalıyam.

İki setdə qalib gələ bildiyim üçün xoşbəxtəm. Finalda oynamağı səbirsizliklə gözləyirəm, sadəcə əlimdən gələni etməyə çalışacağam", - deyə Rıbakina italyan rəqibi hesabına vəsiqə qazandıqdan sonra meydança üzərində bildirib.