"Mən indi olmaq istədiyim yerdə deyiləm" - Sakkarinin peşmançılığı
Maria Sakkari 2025-ci il mövsümünü Tokioda keçirilən WTA 500 turnirində birinci raundda Leylah Fernandeza məğlubiyyətlə başa vurdu.
Sakkari Tokioda birinci raundda Fernandeza iki setdə məğlub oldu. Təsnifat mərhələsini keçdikdən sonra yunan tennisçi kanadalı rəqibinə qarşı oyuna nəzarət edirdi - birinci setdə 5-2, ikinci setdə isə 4-2 hesabı ilə öndə idi.
Nəticədə Fernandez sərt keçən iki setdə qalib gəldi (7-6, 6-4). 2025-ci il mövsümünün sonunu qoyan bu görüşdən sonra dünyanın 54-cü raketkəsi, təhqiredici mesajlar aldıqdan sonra İnstaqram hesabında bir paylaşım yerləşdirdi (aşağıdakı paylaşıma baxın).
"Bunu etməyə adət etməmişəm, amma bir neçə söz yazmaq istədim. Görüşdən sonra aldığım mesajlar haqqında deyəcək çox şey yoxdur. Demək olar ki, hər tennisçi hər gün belə mesajlar alır.
Demək istədiyim budur ki, bu, çətin bir mövsüm oldu və öz gözləntilərimin də xeyli aşağısındadır. Bir neçə il ən yüksək səviyyədə oynadıqdan sonra bunu qəbul etmək asan deyil, amma mən indi olmaq istədiyim yerdə deyiləm.
Ətrafımdakı bütün insanlara və mənə inanmağa davam edən azarkeşlərimə minnətdaram. Gözlədiyim mövsüm olmasa da, yaxşı şeylər olacaq.
Və mənim barəmdə şübhə edən hər kəsə deyim ki, məqsədimim sizin səhv olduğunuzu deyil, mənim haqlı olduğumu sübut etməkdir. 2026-cı ildə görüşərik", - deyə Sakkari son saatlarda sosial şəbəkədə belə yazıb.
Tokyo 
