Mouratoglou Djokovic-i tərifləyir: "Hər kəs ona qarşı olsa belə, o, öz inancları uğrunda mübarizə aparır"
Alovlu xarakteri ilə tanınan Novak Djokovic ATP dairəsində həmişə hamı tərəfindən dəstəklənməyib. Peşəkarlar Tennisçilər Assosiasiyasının (PTPA) yaradılması, peyvənd barədə fikirləri - serb tennisçisi əksər insanlar ona qarşı olsa belə həmişə öz inanclarını qoruyub saxlayıb.
Məhz tennisçinin bu cəhətini Serena Williamsın keçmiş məşqçisi Patrik Mouratoglou "Danny" hesabı tərəfindən yayımlanmış müsahibəsində tərifləyib:
"Novakda nəyi xoşlayıram bilirsinizmi? Onun öz inancları var və hər kəs ona qarşı olsa belə, o, onları müdafiə edir. Bu inanılmazdır. Biz elə bir dünyada yaşayırıq ki, hamı trendləri izləyir və səhv bir şey etməkdən qorxur.
Novak isə ehtiyatlıdır, amma bir şeyə inandığı zaman onu heç nə dayandıra bilməz. Məncə, bu, həqiqətən, həqiqətən xüsusidir. Mən buna çox böyük əhəmiyyət verirəm, xüsusən də bu gün, sosial şəbəkələr və digər hər şey nəzərə alınanda."
Xatırladaq ki, Djokovic 2022-ci ilin yanvarında Melbourne-a gəldikdən sonra covid-19-a qarşı peyvənd olmadığı üçün inzibati saxlancda idi. Bu qərar onun 2022-ci ildə ABŞ Açıq kimi bir neçə böyük turniri buraxmasına səbəb olub.
