Men o qədər stressli və xəstə idim ki, iştahım tamamilə itmişdi" - Thiem-in US Open-dən sonrakı depressiyası haqqında ifadəsi
2020-ci il US Open finalində Zverev-ə qarşı iki setdə 0-2 geridə olan Thiem, nəhayət beş setdə (2-6, 4-6, 6-4, 6-3, 7-6) qalib gələrək karyerasının ilk "Major" çempionluğunu qazandı. Bu onun üçün böyük bir qələbə olsa da, sonradan onu dərin bir depressiyaya sürüklədi. Avstriyalı tennisçi "Business of Sports" podkastında bu çətin dövr haqqında danışdı.
"Mən o qədər stressli və xəstə idim ki, iştahım tamamilə itmişdi. Heç nə yeyə bilmirdim, ancaq çörək və zeytun yağı yeyirdim. Turnir zamanı çəkidən düşdüm, bu da Qran-Slem turnirində arzuolunmaz bir vəziyyətdir. Bu, çox çətin bir dövr idi.
Zverev-ə qarşı final matçında o qədər əsəb idim ki, donub qalmışdım. İlk iki seti asanlıqla uduzdum və özümə dedim ki, bəlkə də bu mənim son şansımdır. Sonra özümə dedim: 'Çox pis oynayırsan, amma ən azından bir neçə oyuna səbir et.' Bu mənə azadlıq verdi və tədricən özümə gəldim.
Lakin kortdakı uğur, az adamın görə bildiyi şəxsi mübarizə ilə müşayiət olunurdu. COVID hər şeyi dəyişdi. Normalda, bir Major-dan sonra bir çox şoularda və reportajlarda iştirak edirsiniz. Amma bu dəfə yalnız Zoom zəngləri və karantin var idi. Karyeramın ən böyük hədəfinə çatmışdım, amma tək bir otel otağında otururdum. Xoşbəxtlik var idi, amma emosiyalar yox idi."
Keçmiş tennisçi həmçinin idmançıların mövsüm ərzində yaşaya biləcəyi tənhalıqdan və heyətlə münasibətlərin çətinləşə biləcəyindən də danışdı:
"Digər oyunçularla dostluqlar həqiqətən dərin deyil. Soyunma otağında həqiqətən dərin məsələlər haqqında danışmırıq, sadəcə zarafatlar və kiçik söhbətlər edirik. Futbolda bu fərqlidir, orada hər gün komanda yoldaşlarınızı görürsünüz. Tenisdə isə bir nəfəri bir həftə görürsən, sonra üç həftə görmürsən. Dostluqlar yüngüldür.
Öz komandanıza gəldikdə, ildə 45 həftə onlarla birlikdə olursunuz. Bəzən onları görməyə dözümünüz qalmır. Bu çətindir, çünki onlarla çox yaxın olursunuz, amma eyni zamanda bu həddən artıqdır. Davamlı səfərlər, məşqlər və yarışlar hətta ən mehriban anları belə tez bir zamanda dözülməz edə bilər.
