Bunu oyunum üçün ən yaxşı qərar hesab etdim", - deyə Gauff ABŞ Açıq Çempionatından əvvəl məşqçisini dəyişdirməsi barədə belə izah etdi
İki gün əvvəl Coco Gauff öz komandasında ciddi dəyişiklik etmək qərarına gəldi və məşqçiləri Matt Daly və Jan-Kristof Foreli biomexanika mütəxəssisi Qevin Makmillanla əvəz etdi.
Dünya reytinqində 3-cü yerdə olan oyunçunun heyətindəki bu dəyişiklik onun servisdəki problemləri, xüsusilə də oyunlarında çox sayda ikiqat xəta etməsi ilə əlaqədardır.
2022-ci ilin qalibi jurnalistlərə ABŞ Açıq Çempionatı ərəfəsində bu gözlənilməz dəyişikliyi belə əsaslandırdı:
"Bu çox ani qərar idi. Qevin işə başlamağa hazır idi, ona görə də mən bunu indiki oyunum üçün ən yaxşı qərar hesab etdim. Öz hisslərimə əməl etdim. Matt (Daly) əla məşqçi, möhtəşəm insandır, onunla işləməyi çox sevirdim.
Bizim faydalı əməkdaşlığımız oldu, amma mən uzunmüddətli bir şey istəyirəm. Bilirəm ki, Qevin keçmişdə bu cür problemlərlə (servisdə) bağlı təcrübə toplayıb. Ümid edirəm ki, onun biliklərindən bir şey öyrənəcəm və nə baş verəcəyini görəcəyik."
Amerikalı həmçinin ilin son qran-slam turnirindən əvvəl bu qərarın vaxtı barədə də fikirlərini bildirdi:
"Turnir turnirdir. Mən harda olursa olsun məğlub olmaqdan nifrət edirəm. Əgər bu WTA 250 turniri olsaydı, mən eyni dərəcədə dəli kimi olardım. İndi hiss edirəm ki, mənim yaxşı fürsətim var, çünki bilirəm ki, mövsümün sonuna qədər qorumaq üçün çox sayda xalım yoxdur.
Ümid edirəm ki, bazar ertəsi və ya çərşənbə axşamı ilk oyunuma çıxana qədər hər şeyi öz xeyrimə cəmləşdirəcəm. Əgər belə olmasa, bunun üzərində işləmək üçün bütün mövsümüm olacaq.
Bilirəm ki, mənə dəyişiklik lazımdır, texniki dəyişiklik və mən işləməyən bir şeyi etməyə davam etməklə vaxt itirmək istəmirəm. Oynamaq istəmədiyim bir üsulla oynamaqla vaxt itirməyəcəm.
