----

"Mən istədiyim qədər azad olmaq çox çətin idi" - Kasatkina vətəndaşlığını dəyişdirməsi ilə bağlı susqunluğu pozdu

Keçən mart ayında Darya Kasatkina vətəndaşlığını dəyişdirmək üçün müraciət etdiyini açıqlamışdı. Bu seçim LGBTQ hüquqlarının məhdudlaşdırılması və Rusiyanın Ukraynaya hücumu ilə əlaqədar idi.

İndi Avstraliya vətəndaşı olan 28 yaşlı tennisçi CBS Mornings verilişində öz seçimi haqqında danışdı.

"Açıq şəkildə öz fikirlərini ifadə edən və lezbiyan olan bir insan kimi, Rusiyada mövcud qanunlarla istədiyim qədər azad olmaq çox çətindir. Məni ölkəni dəyişməyə sövq edən də məhz budur və düzünü desəm, Avstraliyanı təmsil etməkdən qürur duyuram.

Ailəm hələ də Rusiyada yaşayır, amma biz müstəqil insanlarıq, ona görə də onlar mənim seçimlərimdən məsul deyillər. Mən sadəcə azad bir insan olmaq istəyirəm. Təəssüf ki, yaşadığımız dünya belədir, amma öz qərarımdan məmnunam."

İdman baxımından, dünyada 17-ci sırada olan tennisçi US Open turnirinin birinci turunda Rumıniyalı Ruse ilə qarşılaşacaq.