Turnirlər zamanı və ondan kənarda ən çox məşq edən məhz odur" – Marselo Melonun Zverevlə dostluğu haqqında etirafları
ATP tərəfindən yayımlanan videoda Aleksandr Zverev və Marselo Melo öz dostluqlarının yaranma tarixçəsindən bəhs etdilər. Çox yaxın dost olan ikili hətta dubl çempionatlarında birlikdə çıxış ediblər.
"Biz 2015-ci ildə Pekində dost olmuşuq. İlk dəfə danışığımız otaqda olub. Sonra hər ikimiz Stokholmə erkən gəldik və ediləcək işimiz yox idi, buna görə də suşi restoranında yemək yedik və sonra PlayStation aldıq.
Əvvəlcə dostluğumuz turda çox darıxmağımız səbəbindən yaranıb. İl boyu səfərdə olduğumuz və tennisin xüsusilə onun kimi həm tək, həm də cüt oyunlarda iştirak edən biri üçün çox stresli olması səbəbindən dostlar arasında əylənməyə ehtiyacımız var" – deyə alman tennisçi açıqladı.
Öz növbəsində braziliyalı tennisçi bu söhbətdən istifadə edərək hazırkı dünya üçüncüsünün karyerasını vurğuladı. Onun fikrincə, 28 yaşlı tennisçi Qran-slam qalibi olmağa hər kəsdən çox layiqdir:
"Məncə, o, tennis meydançasında istədiyi hər şeyi etdi. Bir gün elə gələcək ki, hər şey bitəcək. Onun bu idmandan kənarda xoşbəxt olmasını arzulayıram. Bu, çox vacibdir. İndi o bilir ki, mən onun Qran-slam qazanmasını nə qədər çox istəyirəm.
Məncə, o buna layiqdir. Turnirlər zamanı və ondan kənarda qalib gəlmək üçün ən çox məşq edən məhz odur. Məncə, o və onun ailəsi çox şeyə layiqdirlər. Əminəm ki, o buna vaxtı gəldikdə nail olacaq. Hansı olmasının fərqi yoxdur, o qazanacaq. Mən buna bütün qəlbimlə ümid edirəm.
